បុណ្យចូលឆ្នាំគឺជាបុណ្យប្រពៃណីជាតិខ្មែរតាំងពីបុរាណ្យកាលមកម្លេះ  ។​​  ប្រជាជនខ្មែរទូទាំងប្រទេសនាំគ្នាប្រារព្ធវពិធីបុណ្យនេះជារៀងរាល់ឆ្នាំពុំដែលអាក់ខានឡើយ​   ។   នៅក្នុងបណ្តាបុណ្យប្រពៃណីជាតិដែលសំខាន់ៗ  មានដូចជាបុណ្យភ្ជុំបិណ្ឌ    បុណ្យអុំទូក   បណ្តែតប្រទីប  សំពះព្រះខែជាដើម   ។   

         ពិធីបុណ្យចូលឆ្នាំគេធ្វើតាមក្បួនហោរាស្រ្តបែបបុរាណ្យដែលច្រើនតែត្រូវនឹងថ្ងៃទី  ១៣  ឫ  ១៤  មេសាក្នុងខែចេត្រជារៀងរាល់ឆ្នាំ   មានរយៈវេលាចំនួនបីថ្ងៃ   ។   ថ្ងៃទី  ១   ជាថ្ងៃ   មហាសង្ក្រាន   ថ្ងៃទី   ២   ជាថ្ងៃ   វណបត   ថ្ងៃទី   ៣   ជាថ្ងៃ   ឡើងស័ក្ក  ។  នៅក្នុងឱកាសចូលឆ្នាំថ្មីនេះខ្មែរទាំងអស់មានសេចក្តីរីករាយ​ណាស់   គេរាល់គ្នារៀបចំបំរុងទុកសម្លៀកបំពាក់ថ្មីៗ  ស្បៀង​អាហារចំនួនបីថ្ងៃ  និង  សំអាតផ្ទះសំបែងរង់ចាំទទួលទេវតាថ្មីមានជាអាទិ   ទៀនប្រាំ   ធូបប្រាំ   លាជប្រាំ   ផ្តិលទឹកអប់   ម្លូស្លាបារី...  ។   នៅថ្ងៃទី   ១   គេនាំគ្នាយកចង្ហាន់ទៅវត្តប្រគេនព្រះសង្ឃ   លុះដល់ពេលរសៀលគេបបួលគ្នាលេងល្បែងប្រជាប្រីយ ​  ។   នៅថ្ងៃទី  ២   កូនចៅជូនសំលៀកបំពាក់   នំចំណី   លុយកាក់ដល់អ្នកមានគុណមានមាតាបិតា   ជីដូនជីតាជាដើម   ។   នៅថ្ងៃទី   ៣   ជាថ្ងៃបង្ហើយពេលព្រឹកគេនិមន្តព្រះសង្ឃឆ្លងភ្នំខ្សាច់   លុះពេលល្ងាចគេនាំគ្នាប្រារព្ធ   ពិធីស្រង់ព្រះ   ។           

         ថ្វីត្បិតតែប្រជាជនខ្មែរទាំងឡាយដែលបានឃ្លាតចាកប្រទេសខ្លួនមករស់នៅឯបរទេសក្តី   គេពុំដែលបោះបង់ចោល

នូវទំនៀមទំលាប់ពីបុរាណ្យកាលនេះឡើយ   ។