ខ្ញុំព្រះករុណា   អាត្មាភាព   ព្រមទាំងអាចារ្យ   គណកម្មការ   និង   ពុទ្ធបរិស័ទចំណុះជើងវត្តខ្មែរ   ឡេកអែលស៊ីណរ   ទាំងមូល   ដែលស្ថិតនៅក្រុង   ឡេកអែលស៊ីណរ   រដ្ឋកាលីហ្វរនីញ៉ា   បានមូលមតិគ្នាជាឯកឆ័ន្ទ   ស្ថាបនាវត្តថ្មីមួយនៅចង្កេះភ្នំ   ឡេកអែលស៊ីណរ   ដែលមានទំហំដី   ២៣ អេកឺរស៍   ស្មើនឹង ៩ ហិកតាកន្លះ   បើគិតជាម៉ែត្រការ៉េ   ស្មើនឹង ៩៣,០៧៧.៧ ម៉ែត្រការ៉េ  ។

​

      វត្តមានច្បាប់ជាវត្ត   ពេញលក្ខណៈ   ហើយបានជាវដី   បិតអេសក្រូវ៍  នៅថ្ងៃអង្គារ   ទី ២៤   ខែតុលា  ឆ្នាំ ២០១៧   ចុះកិច្ចសន្យា  នៅទីក្រុង   រីវែរសាយដ៍   ជាមួយនឹងម្ចាស់ដី   ដូចដែលបានព្រមព្រាងគ្នា   ក្នុងរយៈកាល   គំរប់ពីរឆ្នាំ  ។

​

        អាស្រ័យដូចដែលបានប្រគេន   ជំរាបជូនខាងលើនេះ   សូមព្រះតេជគុណ   ឧបាសក   ឧបាសិកា   លោក   លោកស្រី   

អ្នកនាងកញ្ញា   ព្រមទាំងពុទ្ធបរិស័ទ   គ្រប់មជ្ឈដ្ឋាន   ដែលរស់នៅ   សហរដ្ឋអាមេរិកក្តី   បណ្តាប្រទេសនានា   លើពិភពលោកក្តី   

មេត្តាចូលរួម   ចាប់មគ្គផល   ជាវដី   ក្នុងមួយម៉ែត្រការ៉េ   តម្លៃ ១០ ដុល្លា   តាមកម្លាំងសទ្ធា   ជ្រះថ្លារៀងៗខ្លួន   សម្រាប់ជាបុណ្យកុសល   ខ្លួនឯងផង  និង  ជាប្រយោជន៏   ដល់មហាជន   ក្រោយៗផង   ជាពិសេស   បានដល់ព្រះសង្ឃគង់នៅផង  ។

​

      ខ្ញុំព្រះករុណា  អាត្មាភាព   សូមប្រគេនជូនពរ   ចំពោះព្រះតេជគុណ   ញាតិញោមប្រុសស្រីទាំងអស់   នូវពុទ្ធពរបួនប្រការ   អាយុ   វណ្ណៈ   សុខៈ   ពលៈ   កុំបីឃ្លាងឃ្លាតឡើយ  ។

​

សូមចំរើនពរ   និង   ប្រគេនពរ

វត្តខ្មែរឡេកអែលស៊ីណរ